Skedmaker WordPress Plugin version .98 © Copyright Skedmaker Online Scheduling |
Skedmaker WordPress Plugin version .98 © Copyright Skedmaker Online Scheduling |
Johnny was informative and genuine. He quickly replaced a faulty ssd in my MBP and installed the OS etc. Very happy with his service.
收費非常相宜,甚至會幫顧客格價在不同渠道購買的價錢差別。於收款前便會告知客人大約貨期,讓整個購物流程更有預算。更會於購買前了解客戶使用需要,並就提出的購買項目提供需要注意的地方。正如其他評論者說,想買些無謂嘢浪費少少無謂錢嘅機會都無,極有誠信及可靠的商家。
部 mac 機更新途中突然話失敗要重新開機再更新,開機再更新一陣又再 prompt, 無限輪迴。拎去 Apple Store 個天才 bar 搵啲天才幫手,個天才用 Apple Store 個 server boot 我部 mac 話 boot 唔起,應該係 SSD 有事,建議我去做個 data backup,問佢有冇鋪頭介紹,佢就點左我去間 7000 蚊 up 既鋪,真係多謝佢。 之後搵到 Mactivity, 老細睇左部機既情況話有可能唔駛換 SSD 都可以,不過唔敢 100% 肯定,咁我見 Facebook 呢度對佢既 review 都幾好,就放低部機俾老細。第二日老細就打黎話已經整好,可以拎機。 個人認為呢個服務速度同埋質素,價錢係十分公道,第日如果 mac 再有問題都會去搵老細,各位朋友都可以去搵老細幫幫手。
你高傲,但係宅心人厚﹔你低調,但係受萬人景仰﹔你可以將 Apple 賜俾人類嘅 Mac 修得出神入化,做出堪稱 Mac 之藝術o嘅維修!究竟佢係神嘅化身,定抑或魔鬼嘅使者﹖冇人知,但係有一樣嘢可以肯定嘅,每個人都會俾一個稱號佢 – 表哥!
恭喜十週年之喜!! 期待之後嘅十週年又十週年⋯⋯有 Mactivity & Johnny 嘅 backup, 作為 Mac users 嘅我們可以放心用機。恭喜恭喜!
第一次認識店主是維修及更新軟件,及後亦有幫襯,包括幫公司購買一些 Mac 的軟件,維修電腦,購買電腦及配件等……店主十分 Nice,很細心幫忙每一位顧客,主動給予很多有用的意見,幫你分析。有趣的是,因為他,除了會認識到很多使用 Mac 的知識外,還會認識一些志同道合的人,擴闊你的生活圈子,故此,當有朋友提及 Apple or Mac,我就會轉介比店主,而店主例必妥善解決及照顧^_^ 建議店主可間中舉辦茶聚,歡迎大家參與,交流意見!
對如我這種電腦白痴兼電腦殺手來說,Johnny 絕對是我的救命恩人!T^T 最後也要說一句,老闆很靚仔!
首先恭喜麥客居十周年,作為唔係成日都有幫襯嘅客戶,我由衷感謝麥客居/麥客居主理人 Johnny Chan 長久以來嘅關照,成日提自己 backupbackupbackup,希望麥客生意愈做愈好蒸蒸日上。
AppleCare 雖然好幫忙,但都比唔上有貴人 Johnny Chan Mactivity 出手。由被 Hack 當晚到今日教我點用方法倒返 Time Capsule d 資料入電腦,全程不厭其煩、仗義相助,果然係又專業又有正義感既男子~!實在無言感激、無以為報~~~
MacBook Air SSD死死地要 recover 數據,打去另一間叫 mac X 王嘅話唔洗再問其他人啦一定救唔返,點知 Mactivity 老闆過一日就 backup 到數據,翻新左 SSD 同換埋電,機都拎得😭🙏🏻
今天剛剛從店主手中取回自己使用了 5 年多的 iMac,一部只是硬碟出了問題的舊 iMac。 Johnny 很快已經發現硬碟可能出了問題,並不用三天(包括二天測試)便已維修完畢。以上問題我於上月已經走訪了尖沙咀蘋果專門店兩次,可惜還是維修不了;「天才」(Genius) 還引導我試試考慮購置新出的 iMac。 對於沒有了 AppleCare 的蘋果機,「麥客居」絕對是一個值得考慮的「蘋果醫生」。 註:本人亦是第一次光顧這店,並與店主無直接/關接關係。:p
唔知點解個 dropbox connect 唔到,上網搵 help 過程仲發現 Safari 又上唔到網,Mac App Store 同 iTunes Store 都 connect 唔到,搵 Apple Online support 搞左個幾鐘都 fix 唔到個問題,甚至建議重裝過個系統,重裝過程有問題已經準備 book Genius Bar,但要等到過完年之後。 好在有 Mactivity 麥客居,預約拎去睇嘅時候,負責人 Johnny Chan Mactivity 已經好快喺 FB Messenger 度解決到個問題,原兇竟然係唔知點解tick左呢兩樣野! 所以比起唔知等幾耐又難 book 嘅 Genius Bar,梗係搵表哥幫手好啲啦。
之前我個 mac pro LCD mon 爛左,又擔心其他維修鋪頭會掠水,又換d差的零件俾我。今次用 mactivity 幫我換 mon ,老闆份人細心,都唔會特登掠你水同俾差的零件,PC值極高,唔駛擔心佢會呃你,信心之選。
服務週到,維修水準高超,Mac界華陀 (?)
麥客居陳先生:對 Mac 專業,對工作樂業,對人真誠有禮,樂於為客解答任何疑難。對父母孝敬,又關心社會,公義敢言。祝願陳生身壯力健,讓我眾 Mac 使用者無後顧之憂。
老細服務又好態度又好仲詳細幫我測試問題所在,真心係幫人解決疑難!
快、靚、正。
表哥太靚仔,又好傾,又有 heart,唔幫襯佢幫襯邊個?(但最好唔好成日上去搵佢啦。。搵得佢即係有麻煩野。。。) 最好養返兩隻貓,咁會好少少。吾吾吾
態度友善,服務好,價錢公道。
Very profession and nice service, thanks Johnny.
想分享對 Mactivity 的經驗及感受?歡迎到 Facebook 專頁留言。
麥客居 Mactivity(始自2005年)
蘋果電腦軟硬件服務中心
所有服務必需預約(包括維修及取機)
九龍觀塘鯉魚門道 2 號
新城工商中心 13 樓 1304 室
Tel: (852) 3583-0621
WhatsApp: (852) 9624-9643 (text-only)
Email: info@mactivity.com.hk
Facebook: @johnny.mactivity